Шуурхай мэдээ New

etoim.mn
photos/271114836_5143438122356603_2565542917987408402_nbhdyhмхбх.jpg

МХБХ-ны техникийн хэлтсээс өнгөрсөн оны есдүгээр сард АХБХ-ны “В” зэрэглэлийн дасгалжуулагчийн сургалтыг анх удаа дотооддоо зохион байгуулж байгаа талаар мэдээлсэн билээ.

МХБХ-ны сургагч багш нарын бүрэлдэхүүн сургалтын хөтөлбөр, хичээлүүдийг АХБХ-ны шалгуурын дагуу боловсруулан АХБХ-ны дасгалжуулагчийн зөвлөлөөр батлуулснаар уг сургалтыг зохион байгуулах эрхийг авч есдүгээр сарын 20-ноос аравдугаар сарын 23-ны хооронд гурван үе шаттай зохион байгуулсан юм.

Уг сургалтыг цахим хэлбэрээр хянаж ажилласан АХБХ-ны дасгалжуулагчийн зөвлөлийн гишүүн Япон улсын мэргэжилтэн Ясухиро Кимурагийн сургалтын талаар АХБХ-ны дасгалжуулагчийн зөвлөлд өгсөн тайлан, дүгнэлтийн дагуу АХБХ-ноос хүлээн зөвшөөрч МХБХ албан ёсоор “В” конвенцод нэгдсэнийг баталгаажууллаа.

МХБХ ийнхүү АХБХ-ны “В” конвенцод нэгдсэнээр цаашдаа дасгалжуулагчийн “В” хүртэлх зэрэглэлийн сургалтуудыг дотооддоо зохион байгуулах боломжтой болж байгаа бөгөөд гол ач холбогдол нь “В” конвенцод нэгдсэн АХБХ-ны гишүүн орнуудын дасгалжуулагчийн мэдлэг, ур чадварыг харилцан хүлээн зөвшөөрч байгаа нь Монголын хөлбөмбөгийн дасгалжуулагчийн боловсролд нэг алхам ахисан явдал боллоо.

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх