etoim.mn
photos/Captusmfcosdjoijd.PNG

Чөлөөт бөхийн дэлхийн аварга шалгаруулах тэмцээн Норвегийн нийслэл Осло хотноо үргэлжилж байна.

Эмэгтэйчүүдийн -62 кг жинд зодоглосон Э.Гантуяа дагах барилдаанд залуучуудын дэлхийн болон Европын аварга ОХУ-ын Алина Касабиеваг 12:8-аар ялав.

Ингэснээр тэрээр Улаанбаатарын цагаар 00:00-д хүрэл медалийн төлөөх барилдаанд Бразилын Лаис Нуньес Де Оливейратай барилдана.

Мөн эрэгтэйчүүдийн -97 кг жинд зодоглосон Ө.Батзул дагах барилдаанд Умард Македоны Магомедгажи Нуровыг 6:0-ээр илүүрхсэнээр хүрэл медалийн төлөө барилдахаар болов.

Хүрэл медалийн төлөө Азийн АШТ-ий алт, мөнгөн медальт, 23 хүртэлх насны дэлхийн хошой аварга Ираны Можтаба Голейжтэй хүч үзнэ.

Харин өнөөдөр зодоглосон Д.Отгонжаргал, Н.Загардулам нар шөвгийн наймд шалгараад байна.

Эх сурвалж: Монголын Чөлөөт Бөхийн Холбоо

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх