etoim.mn
photos/viber_image_2021-09-10_10-06-40-449нүтоногтөхөөрөмж.jpg

Эрүүл мэндийн яам нь Дэлхийн банкны санхүүжилтээр “Монгол Улсын КОВИД-19-аас урьдчилан сэргийлэх, хариу арга хэмжээ авах, бэлэн байдлыг хангах” төслийг 2020 оны 4 дүгээр сараас хэрэгжүүлж байна.

Уг төслийн хүрээнд нэн шаардлагатай эрчимт эмчилгээний 1.27 сая ам долларын  (3.6 тэрбум төгрөг) тоног төхөөрөмжийг улсын хэмжээнд 21 аймаг, 9 дүүрэг, Анагаахын шинжлэх ухааны үндэсний их сургуулийн дэргэдэх Монгол-Японы сургалтын эмнэлэг, Эх, нярай эмэгтэйчүүдийн үндэсний төв II эмнэлгүүдэд гардуулан өгч байна.  

Нийт 26.9 ам долларын санхүүжилтээр нийслэлийн 9 дүүрэг ба 21 аймгийн нэгдсэн эмнэлэг, Улсын Гуравдугаар төв эмнэлэг, Анагаахын шинжлэх ухааны үндэсний их сургуулийн дэргэдэх Монгол-Японы сургалтын эмнэлэг, Эх, нярай эмэгтэйчүүдийн үндэсний төв II эмнэлгүүдэд шаардлагатай тоног төхөөрөмжөөр хангаж, эмч мэргэжилтнүүдийг сургаж байна.

Үүний зэрэгцээ Дэлхийн банкны 50.7 сая ам.долларын нэмэлт санхүүжилтийг ХӨСҮТ-ийн Вакцин, биобэлдмэлийн үндэсний төв агуулахын барилга, эрчим хүчний хэмнэлттэй, байгаль орчинд ээлтэй, шинэ технологийн хүйтэн хэлхээний тоног төхөөрөмж худалдан авахад зарцуулж байна.

"Ковид-19" халдвараас урьдчилан сэргийлэх эрсдэлийн үеийн харилцаа холбоог сайжруулах, олон нийтийн оролцоог хангах, хүний нөөцийг хөгжүүлэх, эмнэлгийн болон лабораторийн тоног төхөөрөмж, урвалж, хувийн хамгаалах хэрэгслээр хангахад уг төслийн үйл ажиллагаа чиглэгдэж байна. Тус үйл ажиллагаанд Эрүүл мэндийн сайд С.Энхболд, Дэлхийн банкны Монгол Улсыг хариуцсан Суурин төлөөлөгч Андрей Михев, ЭМЯ-ны Эмнэлгийн бодлого,хэрэгжилтийг зохицуулах газрын дарга Б.Буянтогтох болон бусад албаны хүмүүс оролцлоо.

Эх сурвалж: ЭМЯ

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх