Өчигдөр Солонгосын алдарт хөвгүүдийн хамтлаг болох Super junior хамтлаг өөрсдийн фэнүүддээ ээлжит нэгэн бэлгээ барьлаа. Хоёр сар гаруйн өмнө цомгийнхоо товыг зарласан бөгөөд тэдний шүтэн бишрэгчид нь цомгийн нээлтийн өдрийг тэсэн ядан хүлээж байсан юм. Ийнхүү тэд удаан хүлээлгэсэн мини цомог болох “One more time” цомгоо олны хүртээл болголоо. Super Junior хамтлаг  Мексикийн рок хамтлаг болох латин поп чиглэлээр уран бүтээл хийдэг Рикиктай хамтарч “One More Time (Otra Vez)' кинонд зориулан  бүтээжээ.

Super junior хамтлагийн шинэхэн цомог  нийт  26 оронд албан ёсоор нээлтээ хийсэн бөгөөд нээлтээ хийсэн даруйдаа  Мексик, Аргентин, Чили, Колумби, Болив, Эквадор, Гватемал, Перу, Катар, Панам, Эль Сальвадор, Япон, Хонг Конг зэрэг олон улсын iTunes-ийн 1-р байранд орсон байна. Улмаар тэд Макаогийн MGM Cotai- д амжилттай оролцлоо гэж SM Entertainment-ийн удирдлагууд албан ёсоор мэдээллэсэн байна.

Харин өнөөдөр Монголын цагаар өглөө 8 цагт "One More Time" нь Кипр, Католик, Колумб, Боливи, Хонконг, Индонези, Макао, Тайланд, Оман, Мальта, Япон, Эквадор, Чили, Панам, Вьетнам, Малайз, Саудын Араб, Филиппин, Тайвань, Перу, Арабын Нэгдсэн Эмират улсуудад нээлтээ хийжээ.